تونس تحارب الكورونا ؟
الاحد 29 مارس 2020
تونس تصنع الحدث بقلم مينا بن سليمان
أنا تو نكتبلكم من مستقبلكم من مستقبل باش نلقاو رواحنا بكلنا نرقصوا في رقصة مدبرة احنا فيها الماريونات
برشا مرضوا و استشهدوا ونصحونا باش نشدوا ديارنا ووهان منعنت وهي سابقتنا كان بشوية أسابيع ،باش نلقاو دواء كان مش في تونس في بلاصة من العالم باش نمنعوا ،خاطرها مالوا كان فيروس و يمشي على روحوا .أولا باش تاكلوا خاطر الماكلة هي الحاجة الوحيدة الي باش تقعدلنا نمارسوها باش نوليو نرميوا في الورود لجميع العاملين في قطاع الصحة خاطرهم في عينينا ملاك الحياة وباش نشوفوا برشا من مواصلات عبر الانترنات تورينا كيفاش نعديو وقتنا ،صحيح باش تنتبهولها وباعد باش تنساوها
ثانيا كل واحد فينا باش يتغرم بكتاب وباعد تفيق إلي انت أصلا ماعينكش في القراية وباش تولي زادة عايشين حياة إجتماعية ماهيش باش تاقف على ماسنجر واتس اب فايسبوك ب،باش تتوحشوا زادة أولادكم لكبار ويمشي فيبالكم مكمش باش تشوفوهم مرة اخرى باش ترجعوا تكلموا لعباد حتى الي متحبوش تكلموهم وتسألوهم شثما ، برشا نساء باش يتضربوا وباش تتفكروا زادة شنوا قاعد ايصير للناس إلي متنجمش تقعد في ديارها خاطر هما في الأصل معندهمش ديار ،كيف تمشيو تقضيو باش تلقاو الدنيا مهجورة خالية شتقعدوا تسألوا في رواحكم هكا الدنيا ولات شبيها هكة و من باعد باش تروحوا و ترجعوا تاكلوا و باش تسمنوا و باعد تلوجوا كيفاش تضعافوا. شنضحكوا وباش نضحكوا باش حتى كلي عرفتوه guinya باش ايخرج ضمار اول مرة ايخرجوا و يكتشف الي هوا ضامر و انو الحياة ميستحقش باش ياخوها بمحمل الجد . باش تشوفوا أحبابكم اما من بعيد كل شي من بعيد لعباد لمثقفة إلي تشوفوا فيها تسرد في الأخبار معاش باش تراوهم خاطر أخبارهم باش تفقد قيمتها وباش إيجيوا عباد أخرى مثقفة باش يتقلولنا أخبار بكلها تفاؤل باش نوليو نتبعوها
معضكم باش ايقول باهي الارض قاعدة تتنفس اي و الفاتورات كيفاش باش نخلصوها الشهر الجاي ؟ باش نغنيو وانقولوا اي نعم باش نتجاوزوه كيما غناو في اووهان برشا باش يغلبهم النوم وهما يتعهدوا إلي أول ماتوفى حجر صحي باش يمشيوا لاجراءات الطلاق خاطر سكنوا في ديار مهمش ديارهم وثما برشا صغار باش ايكونوا في أرحام نساء شيقريوا صغاركم بالانتارنات باش ايقلقوكم اما باش تفرحوا. شنعاركوا لعباد لكبار وباش نحكموا عليهم ميخرجوش خاطر إينجموا يخرجوا ايجيبوا عدوى وايموتوا شتهربوا من التخمام بالموت و العزلة والوحدة في وسط العناية المركزة باش ايقولولنا الي احنا مجتمع متكامل ومتحد وهذا صحيح واحنا لكل في نفس السفينة وباعد ماتوفى المحنة باش نبدلوا من نظرتنا لبعضنا وإلي إيعدي في الحضر الصحي في بيت فيها جنينة موش كيما إلي يسكن في عمارة بكلها مسكرة و الخدمة في الدار موش كيما الخدمة في الخدمة و ماتعرفش عليها باش تقعد في خدمتك و الا باش تبطل احنا تو في سفينة راكبة فيها تونس الكل ماشيين في طريقنا للانتصار في طريق مجهول منعرفوش عليه طويل والا قصير المهم هانا مع بعضنا منعرفوش باعد شهرين شكون باش إيكون معانا وإشكون لا يمكن انا زادة نكمل معاكم و يمكن لا المهم اننا باش نربحوا حتى وكان خسرنا عباد انا نحب نسميهم شهداء خاطر منيش نشوف فيهم كيما تحكيو بلا جنازة بلا غسيل بلا صلاة انا نشوف فيهم شهداء و أرواحهم طاهرة و نقية عمركم ريتوا شهيد تغسل في الحرب ؟المهم إستحفضوا عل رواحكم وعلي تحبوهم وإلي متحبوهمش زادة في الاخر انا نحبكم و كيف باش نكملواهالكابوس العالم ماهوش باش إيكون كيما عرفتوه
